+++السلام والنعمة "الراعى يحبك الراعى ينتظرك"+++



 
البوابةالبوابة  الرئيسيةالرئيسية  التسجيلالتسجيل  الكتاب المقدسالكتاب المقدس  الكتاب مسموع و مقروءالكتاب مسموع و مقروء  تفسير الكتابتفسير الكتاب  مركز تحميل الصورمركز تحميل الصور  youtubeyoutube  جروب المنتدىجروب المنتدى  twittertwitter  rssrss  دخولدخول  

شاطر | 
 

 إن ضليــــــت.. قول يســــــوع

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
marcel solla
العضو الملائكى
العضو  الملائكى
avatar

عدد المساهمات : 1895
نقاط : 4983
تاريخ التسجيل : 04/08/2010

مُساهمةموضوع: إن ضليــــــت.. قول يســــــوع   الأحد فبراير 27, 2011 12:29 am

يااااما توهنا عن الطريق اللي رسمه لينا ربنا , وكتير اختارنا نسلك حسب فكرنا واعتمدنا على حكمتنا الذاتية البشرية الأرضية

ممكن تكون تخيلت موضوع معين هيمشي بشكل معين جميل وممتع ومناسب ليك, وبتخططله بدقة ونظام.. وفكرك ان طالما "انت " شفته مناسب ليك ! ..فدا اللي ربنا شايفه ليك برده !!
وكأن ربنا موافق على كل اللي انت بتعمله .. مهو كل حاجة باينة حلوة بالنسبالك..
وتفضل انت معيش نفسك في خيال , انت نفسك مش حاسس بيك...
اوعى يــــوهمك أبليس ! ...ابليس بيستنى اللحظة اللي يشوفك فيها مصدق نفســـك !!
أو معتمد على نظرتك انت للأمور..انت ممكن تكون بتوزنها صح ...حسب فكرك البشري...لكـــــــن ربنا لي وجه نظر مختلفــــــــة !

لأن افكاري ليست كأفكاركم وطرقي ليست كطرقكم
أكبر خدعة ممكن يخدعك بيها ابليس..انك بتفهم وعارف تفكر كويس, وحكيم كفاية ان تقّيم الأمور مظبوط
لان كتير ابليس بيغير شكله إلى شبه ملاك نور. 2كو14:11

ودي هي بداية مشوارك مع الوهــــم

بلاش تحسبها بعقلك ارجوك, وعلى فهمك متعدمدش !!..هي مش هتيجي كدا...مشيئة ربنا مش هتتحقق كدا...ربنا عايز يكون هو وحده لي كــل السلطان عليك ...بدون انت ما تدخل, متحاولش تحايله, وتخليها صح عشان يوافق بيها .., لأنه بيفهم اكتر منك ومش هيغير اللي رسمه ليك عشان يرضيك..مش احنا اللي بنرسم لله خطتنا !! ..الله هـــــــو الرســـــــام وانت هو اللوحــــــة ,ارجوك متبدلش الأدوار,...يعني انت تسكت وتنتظر وتثق فيه, وانت هتشوف التحفة الفنية اللي هو قاعد يبدع فيها من قبل تأسيس العالم ..اللي هو أنــــــــــت
لكن , ان يوم ضليت , واخترت اللي انت عايز تختاره... قررت تتصرف انت بمعرفتك واعتمدت ان الأمور هتمشي حلوة قوي , بحسب الخطة المتظبطة اللي انت مرتبها
وكملت ومشيت طريق مش طريقك.. وخسرت كتير
.
.
برده متقلقش, أصل إلهك دا حنين قوي , لا يمكن يسيبك كدا
فاكر قصة ابراهيم.. ربنا وعده بنسل بعدد نجوم السما .تك5:15
لكن ربنا أتاخر عليه قوي, لحد ما هو وسارة عجزوا قوي ومبقاش ينفع تخلف
فراحت سارة لأبراهيم وخلته يتجوز من جاريتها هاجر " هوذا الرب قد أمسكني عن الولادة , أدخل إالى جاريتي لعلى أرزق منها بنين " .تك6-
1:16
وبسبب المشورة المقبولة والمعقولة من تفكير ذهن بشري.. أنجب ابراهيم اسماعيل.. من غير ما يسأل ربنا
برغم ان ابراهيم فكر غلط واعتمد ان دي الطريقة الوحيدة انه يجيب نسل
وكأنه هــــو اللي هيحقق وعد ربنـــــــــا لي.. !


ربنا مغيرش رأيه, ولا قاله خلاص طالما انت اخترت تنجب نسل من هاجر...عيش بقى مع نسل هاجر !
لكن فضل على كلمتـــــه ..ومرت سنين , وانجبت سارة مراته إبن الموعد " اسحــــــق " ..وتمم الله مشيئته حتى بعد ما اختار هو طريق يحقق بيه وعد ربنا , وحتى بعد ما عدت سارة سن الإنجاب
انهردة...الله عايز تعتمد عليه هـــو .. سلم للرب طريقك ,اتكل عليه وهو يجري.مز :5:37.. لان في قلب الإنسان افكار كثيرة, لكن مشورة الرب هي تثبــــــــت.ام21:19
اطلب منه يفتح عنيك ويكشفلك عن اللي هو عايزك تعمله
وصلي انك تكون أمين وتخضعله بكامل ارادتك

يسوع بيحبك قوي وعايز يفجأك بأجمل لوحة كان بيشكل فيها, اتكل عليه ..وليعطيك الرب فهمـــــاّ في كل شــــــئ .1كو10:12

_________________
[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
Admin
Admin
avatar

عدد المساهمات : 643
نقاط : 1126
تاريخ التسجيل : 16/07/2010

مُساهمةموضوع: رد: إن ضليــــــت.. قول يســــــوع   الأحد فبراير 27, 2011 10:52 pm

صدقينى فعلا انا عن نفسى بقع كل يوم فى انى اقدر المواضيع بعقلى البشرى كان ربنا موافق على كل حاجة انا بعملها

_________________
[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
http://elra3y-sheep.77forum.com
 
إن ضليــــــت.. قول يســــــوع
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: تأملات روحية-
انتقل الى: